鳴虎 (順昌大廈) (已結業)

好耐无食过拉面，咁啱去开坚尼地城做野，就同同事去鸣虎到食个lunch。我地各自叫左个主食，再叫多个小食share。本鱼干猪骨汤拉面 - 以四种鲜鱼加上猪骨汤底熬煮，浓郁又唔会太腻。火炙叉烧肉质柔软唔太韧，肥瘦均匀。拉面面质唔错，入口烟韧弹牙，唔会带好重碱水味，而且做到挂汤效果大阪风咖喱猪扒丼 - 吉列猪扒够厚身，而且炸得刚刚好，唔会食到到一口油腻感。外脆内嫩好松化，咬下落去厚实多汁，唔会干争争。咖哩汁唔会好辣，味道香甜浓郁，送饭一流。芝士鱼条拼鱼饼 -鱼饼芝士味浓郁又带点鱼香，口感丰富，绝对系芝士迷必点之选。