麵屋丸京

营业中

休息中

不嬲都知深水埗好多嘢食，而且性价比都好高，咁今次就嚟左面屋丸京食拉面。餐厅俾人一种好温暖嘅感觉，职员态度都好好。真。叉烧拉面职员好好介绍左呢度嘅叉烧，真叉烧系以慢煮形式烹调。叉烧铺满了整个碗，分量十足加上都有一只流心蛋为碗拉面作点缀。慢煮叉烧比传统叉烧更易入口，而且味道香浓，汤底方面则拣了清汤，令到整碗汤并没有油腻。丸京拉面丸京拉面分别有传统叉烧加慢煮叉烧，传统叉烧虽然冇慢煮叉烧咁有入口即溶既感觉，但煎香了外层则多了一份嘅肉香。而虾汤真系非常好，饮得出用咗好多虾煮，非常香浓，同配合樱花虾，使到成碗拉面都非常好食，面条挂汤能力亦做得好好，份量都好够。平时出去食一碗拉面最多都系比一两块叉烧你，但系呢度有超多嘅叉烧，足足有六块，大约都系$100 ，性价比极高，下次一定再帮衬。