天心

营业中

休息中

早前试过一间好好味既申子居酒屋🏮，佢哋近排开咗一间姊妹店，主打拉面、锅物、日本名气Runny Cheese甜品，即刻book咗位试😋。餐厅以日式木系装修为主，天花板挂住一排纸伞。糖心蛋串烧外层薄薄既嘅粉浆，一咬开食到流心嘅蛋黄，蛋香味浓。广岛蚝香槟锅每款锅物嘅用料都系由日本进口，今次试咗出面少见嘅香槟锅，店员会喺你面前将半支香槟倒入锅里面，超抌本，配料有8大只肥美鲜甜嘅广岛蚝，2只弹牙爽口嘅虎虾，仲有一大盘蔬菜菇类，可以沾秘制酱汁、麻酱或者柚子酱，个人觉得原味比较好食，海鲜吸收晒汤嘅精华。帆立贝✨松叶蟹脚另外加左帆立贝同埋松叶蟹脚，帆立贝肉厚实且口感滑身，松叶蟹脚肉质细致鲜甜。芝士杂炊食完火锅之后，跟返日本传统，加入三重芝士同饭做成芝士杂炊，芝士溶咗之后劲多拉丝，每一啖都好creamy。羽二重芝士奶油夹心饼脆饼中间夹住creamy嘅士多啤梨奶油、冰士多啤梨肉，底层系烟靭嘅大福，多重口感，仲有其他口味选择。宇治抹茶芝士砖抹茶非常浓郁，芝士砖口感厚实，唔会太腻。