碗盛 (已結業)

天气凉左，除左食火锅，串烧🍡🍡系我其中最favorite 嘅选择，谂起食串烧呢🤔，今晚就想起去天后嘅 碗盛。店舖装修以木系为主打，感觉好和风，除左眼见嘅座位外，仲有两间厢房，私隐度极高。🥗麻酱捧捧鸡沙律麻酱同青瓜丝、沙律菜一向都系最佳配搭今次仲有埋鸡丝，鸡嘅嫩滑度我比满分💯夹杂埋青瓜青菜一口吃，口感同味道更加有层次。🍡串烧 order左鸡中翼、明太子鸡肉串、紫苏芥末猪五花腩、烧白鳝、厚烧牛舌、串烧豆腐、豚肉芦笋…. 串烧部份各款都好满意，尤其白鳝，外皮烧得蕉脆，烧至油份浸出，入口非常油润，肉质仍持爽脆嫩滑👍🏻厚烧牛舌，够厚身，中间粉嫩未原全熟透，入口软淑，牛舌味极浓紫苏芥末猪五花，五花肉肥瘦层叠，油花甘香，肉类同紫苏味道亦系非常好嘅配搭😋。🥢明太子汁蛋卷明太子捞上沙律酱放在蛋卷上，再微微炙至微蕉，再因应自己喜好，放上碎紫菜或木鱼碎蛋卷入口滑溜，明太子咸咸香香平衡整齐味道，加上碎紫菜或木鱼碎令味道更有层次，木鱼碎更可令鲜度提升。🍜火焰小牛排拉面热腾腾上枱，食拉面之前先喝一口汤底，黑蒜油汤底味道实在强劲，蒜香油润小牛排有5片，份量都算多，入口嫩滑牛味浓郁，拉面口感有韧度，黏上热汤入口更顺滑