影片
更多
2022-11-13
1093 浏览
《饺掂手工饺子云吞专门店 - 铜锣湾》近排食得多浓味野，都会想食返清少少或者简单啲，通常呢个情况我就会拣汤面或者食饺子🥟前两日同我嘅好姊妹喺湾仔行完街，喺囍汇附近周围揾吓有咩好食，但𠮶边来来去去都系西餐比较多，我哋行返出少少大街，见到有间饺子店，价钱十分亲民，而且口味睇落唔系平时超市可以揾得到嘅味道，悭悭地我哋𠮶晚就食饺子做晚餐😆夜晚七点左右去劲多人，好多客人都系简简单单一碗饺子一碗面就当一餐，我哋两个女仔叫咗一款煎饺、一款汤饺，同埋两个小食😂仲叫咗特饮添💁🏻♀️野生松茸素煎饺 七只 $58松茸素煎饺个皮好薄而个馅料都几多，一咬落去啲汁咇晒出嚟，因为个皮薄既关系，所以煎完后特别脆口😋虽然佢系素饺子入边无肉，但系菇菌嘅味道其实都好浓郁，有时唔想食肉的话食几只素饺子又可以当一餐😎💁🏻♀️龙凤松茸双汤饺 八只 $92龙凤松茸饺子就即系用咗黑白松露去制作嘅一款饺子，呢一款入面有猪肉，食落又系另外一种感觉🤓饺子同埋个汤系分开上嘅，啲饺就算唔浸汤食都已经好好味，个汤饮得出系鱼汤而且冇加味精👍🏻味道清新，饮完个汤成个人都好舒服😌💁🏻♀️黄金原味皮蛋 $28黄金皮蛋外皮咬落弹牙，而入面系呈流心状态，个
近排食得多浓味野，都会想食返清少少或者简单啲，通常呢个情况我就会拣汤面或者食饺子🥟前两日同我嘅好姊妹喺湾仔行完街，喺囍汇附近周围揾吓有咩好食，但𠮶边来来去去都系西餐比较多，我哋行返出少少大街，见到有间饺子店，价钱十分亲民，而且口味睇落唔系平时超市可以揾得到嘅味道，悭悭地我哋𠮶晚就食饺子做晚餐😆夜晚七点左右去劲多人，好多客人都系简简单单一碗饺子一碗面就当一餐，我哋两个女仔叫咗一款煎饺、一款汤饺，同埋两个小食😂仲叫咗特饮添
💁🏻♀️野生松茸素煎饺 七只 $58
松茸素煎饺个皮好薄而个馅料都几多，一咬落去啲汁咇晒出嚟，因为个皮薄既关系，所以煎完后特别脆口😋虽然佢系素饺子入边无肉，但系菇菌嘅味道其实都好浓郁，有时唔想食肉的话食几只素饺子又可以当一餐😎
💁🏻♀️龙凤松茸双汤饺 八只 $92
龙凤松茸饺子就即系用咗黑白松露去制作嘅一款饺子，呢一款入面有猪肉，食落又系另外一种感觉🤓饺子同埋个汤系分开上嘅，啲饺就算唔浸汤食都已经好好味，个汤饮得出系鱼汤而且冇加味精👍🏻味道清新，饮完个汤成个人都好舒服😌
💁🏻♀️黄金原味皮蛋 $28
黄金皮蛋外皮咬落弹牙，而入面系呈流心状态，个酱汁酸酸地好开胃，$28嚟讲咁多件算系好抵食
💁🏻♀️四川凉皮 $32
朋友好钟意食凉皮，不过呢一个四川凉皮真系好辣下😂佢个辣嚟得慢，食咗几啖之后个辣度会慢慢涌上嚟😆后劲好强😅我哋两个都要即时叫嘢饮止辣，其实佢嘅味道唔错㗎，酸酸辣辣仲有好大量花生碎喺面，凉皮爽爽地又带少少咬劲，将所有嘢搅拌埋一齐食就得啦
💁🏻♀️山楂雪梨水 $20
因为近排天气都几反常，我哋当日去嘅时候比较凉，朋友想饮返啲润喉嘅嘢，所以佢就拣咗冻嘅山楂雪梨水，同埋当时食完𠮶凉皮之后变咗孖膶肠嘴😂真系要揾啲冻嘢饮先搞得掂，雪梨水唔会太甜，饮落清润唔浆喉
💁🏻♀️蜂蜜柠檬薏米 $20
我就点咗蜂蜜柠檬薏米，因为近排有少少水肿，饮薏米柠檬去一去湿毒都几好，同样地我都系叫咗冻饮，因为个凉皮嘅后劲太劲啦😂我平时都几食得辣嘅，但佢呢一个系慢慢渗个辣度出来🥵蜂蜜瞬间帮到我止辣🫶🏻
当晚我哋的确系叫多咗少少嘢，两个人食埋单好似系$250😌其实都系百零蚊一位，比起平日食嘅嘢嚟讲算系好平👍🏻仲要系好好食😋如果大埔区都有呢一间饺子店嘅话我一定经常买生饺子返屋企自己整嚟食😛
张贴
