影片
更多
2021-02-25
1207 浏览
用餐时间：普通星期二 1500今日个menu其实系本身既dinner menu黎，不过禁晚市堂食就当系个early dinner 咁食。餐包卖相几好，尤其系个牛油，不过我觉得食落味道有少少失望，我唔系好肯定佢系咩酱黎，不过食落麻麻地夹。冻柠水做得相当唔错，卖相几好，温度都够冻，而且甜度可以自己控制，钟意落几多糖浆都可以。其实我个人觉得冻柠水要做得好真系唔难，奈何好多餐厅真系连咁基本既冻柠水都经常令人失望，所以呢度做得咁好都值得一赞。我人生食过最好既饭之一。卖相好靓，有日式沟意式既感觉。饭食落好creamy，一啲都唔干身，配埋蟹籽更加爽口，口感好丰富。蟹膏虽然唔明显，但都食得出有𠮶阵味。整体黎讲我都揾唔到有咩可以改善既地方，真系好好食。造型好可爱，卷埋一条。一开始热食系几好，不过放多左一阵之后啲cheese开始凝固翻，啲面就痴埋晒一旧好难分开。cheese味好重，同平时食开既重忌廉味卡邦尼口味差好远。其实趁热食𠮶阵系几好，不过如果放耐左真系会越黎越差，所以呢个面真系要趁热食先得。每个主菜可以用优惠价 $35追加一份甜品。提拉米苏做得好出色，好creamy好好食。隔离既手指饼就比较特别，可
今日个menu其实系本身既dinner menu黎，不过禁晚市堂食就当系个early dinner 咁食。
47 浏览
0 赞好
0 留言
餐包卖相几好，尤其系个牛油，不过我觉得食落味道有少少失望，我唔系好肯定佢系咩酱黎，不过食落麻麻地夹。
冻柠水
110 浏览
0 赞好
0 留言
冻柠水做得相当唔错，卖相几好，温度都够冻，而且甜度可以自己控制，钟意落几多糖浆都可以。其实我个人觉得冻柠水要做得好真系唔难，奈何好多餐厅真系连咁基本既冻柠水都经常令人失望，所以呢度做得咁好都值得一赞。
松叶蟹甲罗烧蟹膏意大利饭
$288
151 浏览
4 赞好
0 留言
我人生食过最好既饭之一。卖相好靓，有日式沟意式既感觉。饭食落好creamy，一啲都唔干身，配埋蟹籽更加爽口，口感好丰富。蟹膏虽然唔明显，但都食得出有𠮶阵味。整体黎讲我都揾唔到有咩可以改善既地方，真系好好食。
传统卡邦尼手造意大利面
$158
268 浏览
0 赞好
0 留言
造型好可爱，卷埋一条。一开始热食系几好，不过放多左一阵之后啲cheese开始凝固翻，啲面就痴埋晒一旧好难分开。cheese味好重，同平时食开既重忌廉味卡邦尼口味差好远。其实趁热食𠮶阵系几好，不过如果放耐左真系会越黎越差，所以呢个面真系要趁热食先得。
【自己整】提拉米苏
$35
79 浏览
0 赞好
0 留言
每个主菜可以用优惠价 $35追加一份甜品。提拉米苏做得好出色，好creamy好好食。隔离既手指饼就比较特别，可以点斋啡食。不过我唔饮咖啡，所以就直接食算，不过就咁食都好好食，本身面头既白糖已经令到饼干够晒甜，所以可以做到唔点任何野都好食。
最后埋单连加一$529，两个人平均每人$265。dinner黎讲其实真系唔算贵，而且睇埋食物质素咁高黎讲，真系无浪费到我时间特登系九龙区搭咁耐车入屯门食。
今日试完之后，终于领悟到点解呢间餐厅要book三个月先有得食，呢度性价比真系几高！
不过餐厅环境比较窄，台放得好逼先勉强摆得晒全部野。如果呢方面都可以改善到相信可以令餐厅提升多一个层次。
服务质素都几好既，店员每次上菜都会详细介绍翻每道菜既由来同埋食法。
张贴
