太平館餐廳

营业中

休息中

行开中环，见到呢间餐厅装修古色古香几特别，咁岩又有啲肚饿，就决定试吓。 睇返佢墙上嘅相，原来呢间餐厅已经有好多年历史。我同朋友两个人叫咗一个西冷扒餐，一份细炒饭再加一个梳乎厘。朋友点呢份西冷扒餐拣咗七成熟同配黑椒汁，啲黑椒汁好浓味够辣而且份量多好好味，但系七成熟嘅扒略为生左少少，似五成熟，不过肉质几嫩冇乜筋，蕃茄都几鲜甜。虽然西炒饭可能出面普通茶餐厅都食到，但系佢绝对系高质，d虾肉几大粒，仲有肠仔同洋葱，唔会话太咸或者无味，炒饭都粒粒分明好有口感。最后到甜品啦！超惊喜，梳乎厘同块面一样咁大而且味道刚好唔会太甜，都唔会好似出面𠮶啲缩水缩得好快。