Slluks T2 (已結業)

今日同个朋友行过旺角见到登打士街开咗间新嘢叫Slluks T2, 一经过已经俾佢个招牌同佢铺头入面个大萤幕吸引， 又有好多靓仔靓女喺度派传单，而且我哋行哂成条街，全部都系得啲又甜又肥嘅糖水珍珠奶茶，得佢哩间唯一见到有氮气冰咖啡同埋新鲜水果茶饮，所以同朋友一致拣咗Slluks 嚟买。我自己买咗一杯氮气咖啡，见佢拎岀嚟时以为系杯黑啤嚟呀！佢用咗个好靓嘅啤酒杯载住啲咖啡。而且店主话饮完只杯仲可以俾我keep 番呀！试咗一啖，首先系饮到好滑又细密嘅泡泡，跟住就饮到咖啡嘅香浓味道，佢有轻微加咗小小糖浆，中和到咖啡嘅微苦，一开始饮到嘅奶滑感以为系店主加咗奶去打，点知一问之下𠮶啲奶滑感原来系全因为由氮气打岀咖啡时而带岀嘅，所以原本怕饮斋咖啡嘅我一啲都唔觉得自己饮紧无奶嘅咖啡呀，而且更加令我更钟意呢杯氮气咖啡嘅原因系入面一粒冰都无加，唔会越饮越淡，但系仍然好冰凉，即刻可以令你喺炎炎夏日降温呀！另外朋友就想饮水果茶，店主就话今日啲水蜜桃好新鲜，问朋友想唔想试吓水蜜桃特饮。店主果然无介绍错呀，佢成杯嘢入面都充满水蜜桃果蓉，个茶底应该系用咗红茶去做。饮每一啖都会食到果蓉，而且又充满水蜜桃嘅香味，饮落又清甜，