享慢煮意 (形點 I) (已結業)

元朗Yoho戏院附近都有唔少餐厅，方便夜晚睇戏前后医肚。今次试左享慢煮意嘅3-Courses Menu✨ 头盘有餐汤同3款牛角包拣，我试嘅系招牌龙虾汤流心牛角包。包身牛油酥皮香又脆，切开系热又浓郁嘅龙虾汤流出黎，伴埋一齐食感觉好新颖✨头盘要左法国油封鸭髀配香煎鸭肝，先讲鸭肝肥美又香软，入口香味四溢😋油封鸭腿够晒份量，肉味非常浓郁，肉质嫩，保留到肉汁。最后叹埋真空慢煮芝士蛋糕，芝士打到好香滑，配上稍酸嘅莓酱，平衡味道解解腻。黑松露慢煮流心蛋意粉$148呢个流心蛋都系非常靓仔嘅状态，吹弹可破。黑松露香味突出，意粉有咬口。呢度环境同装修亦不错，行开Yoho不妨一试☺️