古今

营业中

休息中

雅兰中心一直都系旺角区揾食之选，今次行过竟然见到开咗间新嘅日本餐厅，而且装修睇落似fusion新派日本料理。前菜叫左个名为柚想虾你嘅沙律，材料非常丰富，包括生虾，牛油果，虾子，生菜，沙律菜，海带，萍果，柚子和车厘茄。食落好清新直头有泰式沙律果份清爽。另一道系樱花虾原条茄子烧，上面淋满左樱花虾味道估唔到同茄子咁夹。最后系名为火山嘅招牌菜，上菜时会点火，好啱打卡。火山嘅食材有两件寿司藏喺火山里面，外面放有虾，带子，蟹柳卖相精致之余味道都好鲜美。