影片
更多
2017-06-17
69 浏览
3位好同事话想试下一啲连汤低都可以饮到嘅打边炉，我上网就SEARCH咗呢间嚟试，不过呢度个地点对于驾车人士嚟讲会比较适宜，我同啲同事落咗车之后穿过一系列嘅车房先到。不过一见到个锅之后，又觉得咁辛苦嚟到都低返哂，将虫草花同素翅混合一起，制造出金翅嘅视觉效果，我地第一眼见到真系哗哗声! 菜料除咗头先所讲嘅虫草花同素翅，其实佢地仲用咗杞子、瘦肉、同埋唔少得嘅老鸭，其实都已经煲到鸭肉都溶，个汤真系又甜又补，我地系打边炉之前，饮咗一碗都唔够，仲要饮多碗，四个人几乎饮咗一大半汤，边炉都打唔到，要人加汤。又值得一赞嘅系呢度嘅响铃，完全系睇得出又食得出系店里面制作，脆口，色泽吸引，唔系浸汤之前已经见到好「实的的」炸到实哂嘅口感，嚟到真系必叫。 呢度嘅竹笙仲系用上野生嘅竹笙，所以整条嘅口感好RICH ，而且又长又厚，拎嚟浸呢个金翅老鸭汤，真系一绝。同事们执意要叫呢个至尊牛三星，话贪佢样样牛都食到㖞，呢个其实系包括咗本地手切牛颈脊、安格斯牛柳粒同埋极品牛舌芯，但系嚟到我地竟然见到第四样野，就牛白肉，唔知点解多咗样，我都无考究，同事话乜就乜啦~ 不过呢个唔知点解多咗嘅牛白肉，竟然成为我今晚嘅favor !
不过一见到个锅之后，又觉得咁辛苦嚟到都低返哂，将虫草花同素翅混合一起，制造出金翅嘅视觉效果，我地第一眼见到真系哗哗声!
菜料除咗头先所讲嘅虫草花同素翅，其实佢地仲用咗杞子、瘦肉、同埋唔少得嘅老鸭，其实都已经煲到鸭肉都溶，个汤真系又甜又补，我地系打边炉之前，饮咗一碗都唔够，仲要饮多碗，四个人几乎饮咗一大半汤，边炉都打唔到，要人加汤。
又值得一赞嘅系呢度嘅响铃，完全系睇得出又食得出系店里面制作，脆口，色泽吸引，唔系浸汤之前已经见到好「实的的」炸到实哂嘅口感，嚟到真系必叫。
呢度嘅竹笙仲系用上野生嘅竹笙，所以整条嘅口感好RICH ，而且又长又厚，拎嚟浸呢个金翅老鸭汤，真系一绝。
同事们执意要叫呢个至尊牛三星，话贪佢样样牛都食到㖞，呢个其实系包括咗本地手切牛颈脊、安格斯牛柳粒同埋极品牛舌芯，但系嚟到我地竟然见到第四样野，就牛白肉，唔知点解多咗样，我都无考究，同事话乜就乜啦~
不过呢个唔知点解多咗嘅牛白肉，竟然成为我今晚嘅favor ! 真系好好食，入口漫漫油脂分泌系舌头，而且相当爽口，又充满牛味，但我明明唔见menu 有，大家想叫可以问下店家。
我有少少略嫌呢个M9和牛刺身有啲血淋淋同埋太大块比较难入口，不过今晚做特价就无乜所谓。
佢嘅食法系大大块嘅鲜牛肉，配上洋葱，再加上特制酸汁，虽然入口牛肉好有口感，同埋一啲生牛肉嘅难受感都无，但系由于太大块，个感觉有少少茹毛饮血嘅感觉，希望下次店家可以切细一半同埋啲洋葱唔好放系上面，因为咁样真系好难拎到啲牛肉架，又怕佢地跌咗落嚟。
食咗咁多靓野，我地每个人都系378埋单，其实我觉得真系几抵，特别系同呢几位同事吹下水，呻下工作上嘅野又一晚，听朝又搏过!
张贴
