八居酒屋 (天文臺道) (已結業)

朋友提议去尖沙咀嘅《八居酒屋》，餐厅环境舒适开阳，而且座位宽敞，设计简约以木为主，特意去试一试。餐牌非常特别，就咁打开就可以见到分门别类嘅食物，多款式多选择。「明太子牛油炒芦笋」卖相好吸引，好多明太子酱喺芦笋上面，颜色色彩缤纷，而且炒得好香口好有镬气，芦笋咬落去好爽口，味道鲜甜。「串烧鸡翼」鸡翼外皮烧得好香脆可口，非常入味，食得出好新鲜嘅鸡肉味道。「明太子烧饭团茶渍」配以一碗茶渍，入面有鲜甜味道嘅茶汤，饭团三角形，外脆内软嘅米饭啖啖香脆，再饮少少茶汤湿湿口，唔会太干身，必食。「炸鸡稻庭乌冬」炸鸡同埋汤鸟冬分开上，份量好多，炸鸡炸到非常香脆可口，而且肉质鲜嫩，非常滋味，而稻庭乌冬面质弹牙爽滑。另外「仙台牛舌厚烧」同埋「网烧安格斯肉眼」食落去有非常香浓嘅牛肉味道，新鲜而美味。最后，再叫咗两杯特饮都好鲜甜，一边饮一边食一边谈心，几写意。另外，八点前结帐有八折优惠，所以下次一定要早啲去食啦。