Bon Appetit

营业中

休息中

今次食嘅餐厅系一间名叫Bon Appetit嘅私房菜。餐厅位置系尖沙咀柯士甸道花园大厦。由于系私房菜型式，我同朋友都一早电话预约左时间，预约电话系23143008，一早预约左就唔惊摸门钉啦。前菜先有一碗松露野菌汤，饮落去非常足料，菇菌粒粒好多，口感丰富，黑松露嘅味道并无盖过整个风头。另外端上一款清新素鱼鲜果，素鱼用左芝士焗酿表皮，入口香口，食起上黎比起一般鱼肉爽弹，加入黑醋沙律同鲜果，非常清新！接住上枱嘅系会令人哗一声嘅海鲜塔，第一层有蓝青口同翡翠螺，第二层摆放住生蚝，第三层放有帆立贝同鲍鱼，两个人分享就啱啱好！食落去相当新鲜，可以点上柠檬汁同酱汁架。主菜方面有营养丰富嘅三文鱼，调味咸香度刚刚好，外皮酥脆内质嫩滑，加上香草柠檬汁，更加开胃。最后迎来一份甜品🍧火焰雪山非常适合打卡同录影，记住拎定手机！蛋白嘅口感非常轻盈，火焰做得好靓，入边有冰冻嘅朱古力雪糕，感觉唔会过分甜腻，最后仲有一杯蜜桃热情果茶，相当圆满。