餃子冰室

营业中

休息中

一个weekend我地系长洲黎个2日1夜，一落船当然去觅食，沿码头到呢间饺子店好近，只需几分钟路程。餐厅入面座位不多，约12个位左右，我地好好彩，啱啱有2个位（迟多几分钟就要等位😝）。餐厅有提供全日套餐，有8个餐选择，每个套餐都有饺子，而饺子既选择亦有8款，除咗有正常既波菜饺、韭菜饺，仲有d都好特别既，例如黑白土匪鸡肉饺、南乳豆卜饺、咖哩薯仔饺同黄金饺（沾咗咸蛋黄酱既炸饺😈）。我就点咗10只蒸南乳豆卜饺，而男友就拣6只黄金饺配黑酱油鸡饭。个餐包一杯饮品，四季春茶或者包装饮品，你亦都可以好似我咁加钱饮其他野，我就加$12饮冰糖红枣桃胶。炎炎夏日一杯冰冻冰糖红枣桃胶超正，甜度啱啱好。蒸饺系用蒸笼上，热辣辣上枱。好心急夹起一只，皮不算厚，而南乳味已经涌入鼻孔，食落亦十分浓味，好特别。至于黄金饺，一上枱已经感受到佢既😈。一入口，满满咸蛋黄，十分惹味！我食咗2只黄金饺，已经好漏！至于个黑酱油鸡饭，我同男友一致觉得好好食，酱油用上香叶整带少少甜味，而鸡肉亦嫩口，十分赞！呢间餐厅值得回头再试！