影片
更多
2021-07-19
109 浏览
朋友话利奥坊附近系咁开咗好多唔同嘅新式餐厅，特登带我嚟觅食。新嘅餐厅真系好靓，全部落地大玻璃装修，感觉好舒服。由于我当日想食粉面类，于是就拣咗呢间庆记啦～餐厅有好多种唔同款嘅面类可以选择，而且全部用电子落单方便又快捷。口水醉鸡卷：推荐大家可以食呢一款小食，因为佢个口水汁可以另上，变左一次过可以食两款唔同嘅味道。口水汁香辣浓郁，点左就当口水鸡食；唔点口水汁就变咗醉鸡卷，淡淡嘅酒香味，啱晒唔食得辣嘅朋友。香酥排骨拼卤肉汤饭：香酥排骨新鲜炸起，咬落去仲系脆嘅，汤饭亦都好特别，有少少酸菜又几好味。茶熏煎软鸡庆面：块鸡扒系要用茶腌制，味道好浓郁，而庆面系属于清淡嘅风格，一齐食好夹。生煎胡椒包：呢个极力推介，即叫即整，包面系软而个底煎到脆卜卜，最惊喜系佢入边系有好多汤汁，食嘅时候一定要小心，黑椒味亦都好重，冬天嚟食一定好正！总括而言，呢间餐厅质素唔错，住附近嘅朋友仔可以试吓～
餐厅有好多种唔同款嘅面类可以选择，而且全部用电子落单方便又快捷。
口水醉鸡卷：推荐大家可以食呢一款小食，因为佢个口水汁可以另上，变左一次过可以食两款唔同嘅味道。口水汁香辣浓郁，点左就当口水鸡食；唔点口水汁就变咗醉鸡卷，淡淡嘅酒香味，啱晒唔食得辣嘅朋友。
香酥排骨拼卤肉汤饭：香酥排骨新鲜炸起，咬落去仲系脆嘅，汤饭亦都好特别，有少少酸菜又几好味。
茶熏煎软鸡庆面：块鸡扒系要用茶腌制，味道好浓郁，而庆面系属于清淡嘅风格，一齐食好夹。
生煎胡椒包：呢个极力推介，即叫即整，包面系软而个底煎到脆卜卜，最惊喜系佢入边系有好多汤汁，食嘅时候一定要小心，黑椒味亦都好重，冬天嚟食一定好正！
总括而言，呢间餐厅质素唔错，住附近嘅朋友仔可以试吓～
张贴
