鬼金棒

营业中

休息中

讲起拉面🍜，大家又钟意食边间拉面店？我自己就好挂住「鬼金棒」，总系念念不忘。呢度装修别具特色，仿似身处于地狱一样，挑战非一般嘅拉面！最吸引我既莫过于辣麻味噌汤底，入口时香浓又唔会死咸。汤底仲加入山椒制成麻油同多款辣椒🌶️，所以先有一股辣味直冲喉咙，口腔再慢慢发麻，好过瘾🤪！大家可以按自己喜爱，选择汤底「辣度」同「麻度」，岩哂大家嚟挑战下😋！我平时好少食辣，就试左「少麻。少辣」都🆗，下次可以试下「中麻。中辣」🥰！朋友就拣左呢款「味玉辣麻味噌拉面」，除左有芽菜、粟米仔🌽之外，仲有一旧厚厚叉烧，望落都几多层肉，好肥美，食落都煮得软腍入味👍🏻。朋友好钟意糖心蛋，一咬开，杰身既蛋黄慢慢流出嚟，味道极浓郁😍！我就当然拣返我至爱—「芫荽辣麻味噌拉面」。呢个海量既芫荽☘️真深深吸引住，食落好清新！浸落味噌汤底又另一种食法🙂。另外，我钟意佢地拉面系较粗身，食落腍身，仲都几挂汤添！我真几钟意「鬼金棒」既拉面🍜，辣度、麻度都可以自己拣🤪，无论你食唔食得辣都应该要试下！未食过就更加嚟试下～