金撈老鴨湯刺身火鍋專門店 (已結業)

近日天气突然冻左，得十五六度，最啱就系打边炉，朋友介绍下黎食。金捞富贵老鸭汤 ：叫左半只个款老鸭汤，有其他配料同素翅，个汤坚好饮，绝对对得住呢个价钱，另外鸭肉会有个酱汁，食落有d辣辣地，会好食d，侍应话系师傅秘制既。海胆刺身一板：有五块青瓜上有海胆，都好大啖下算系，新鲜货，甜，最怕有苦味。香菇贡丸 ：打边炉必点，好正常既货，又够大粒。鲜虾云吞 ：唔系大粒个d，但入面粒虾都唔错，算爽，唔梅。香辣鱼皮：呢个真心必点，爽滑鱼皮都唔系好多地方有得食，呢度仲要系重庆版，味道好香，带有辣味，唔会系死辣咁，开胃。黄沙猪润 ：上台见到好生鲜，自己对润就无乜兴趣，同枱友人话好食。黑松露鲜虾滑：劲香黑松露味，虾滑够味弹牙。本地牛颈脊：好重牛味，唔多肥肉，打边真系唔错。鹿儿岛黑豚肉 ，岩手县白金豚肉 ：叫左两款猪肉，都唔错，最怕有个种猪既臭味。桂花蚌并珊瑚蚌 ：两个都系新鲜货新鲜鹅肠头 ：鹅肠肥美，碌一碌就食得。广岛蚝 ：都叫做几大只下，都几有蚝味。脆骨腩+鲩鱼片 ：新鲜货色，脆骨腩无乜细骨，有单支大骨，食落爽脆。鲩鱼片就正常货色。豆苗，莴荀：我系食肉兽都食左小小，试下，都唔错。