湄南.河泰式船麵 (已結業)

今日去左千色汇食泰国菜—＞湄南.河泰式船面听店员话佢地呢边最出名既就系船面，所以就当然要试一试；所以最后拣左个２人泰北风味餐，入面包左：２份主食：泰式肉碎煎蛋饭同埋猪颈肉船汤河，２份小食：泰式酸辣凤爪沙律同单骨鸡翼仲有甜品：椰汁糕；同埋两杯饮品：青柠梳打水。食物方面：猪颈肉船汤河有一大份既猪颈肉，肉质好嫩滑，加上秘制既甜酸酱，味道一流，十分配搭。而泰式肉碎煎蛋饭既份量亦都十足，肉碎无想像中咁辣；反而泰式酸辣凤爪沙律有惊喜：酸酸辣辣，非常开胃，份量十足而且凤爪骨软到可以食埋。然后就系单骨鸡翼，炸得十分香脆可口，加埋炸香蒜，更加香口。最后就系青柠梳打水：梳打水系泰国醒狮牌玻璃樽梳打水，倒出黎足足有两杯咁多。装住冰既杯入边有一片青柠同埋青柠汁，加埋梳打水后，酸度直冲味蕾。