杏甜品 (香檳大廈) (已結業)

喺附近食完晚饭意犹未尽就揾地方食糖水，之前黎哩度食过，甜品唔错又坐得舒服，所以即刻谂起黎哩度。杏甜品出名食杏仁制品，不过佢都有其他甜品，最近就新出左个木莲系列，所以我地都叫左碗黎试下。芒椰木莲冻($62) - 木莲冻外表同味道其实同凉粉差唔多，上面放满椰果、小芋圆、芒果肉同芒果爽冰，卖相超吸睛。椰果口感QQ，小芋圆就比较有咬口，四色芋圆颜色非常缤纷。芒果酸甜度刚好。木莲冻口感滑溜，糖浆唔会太甜。椰皇汤圆炖双皮奶($69) - 汤丸炖双皮奶系热食，汤圆有三粒，内馅可以喺芝麻、抹茶、花生、榴梿同奶皇入面拣一款，我地就拣左奶皇。汤丸正常大细，汤丸皮唔会太厚，咬开中间嘅奶黄馅即刻流出黎，奶皇味几香。下面嘅双皮奶好滑好香奶味。总结，虽然落单同餐具纸巾都系自助，不过甜品款式都有特式同卖相几靓，细心位系有饮用水提供。