羅麥記 (東薈城名店倉)

营业中

休息中

假期同朋友一齐去东涌outlet行街，到夜晚揾嘢食，比罗麦记个砖头焗饭吸引到😂由于比较夜，所以唔洗排队等，我地嗌左三样嘢：砖头焗猪扒饭、虾多士、蜂蜜鱿鱼须❀砖头焗猪扒饭原本系要嗌咖哩软壳蟹但系卖晒，唯有拣左焗猪扒，上菜𠮶下真系好壮观，好靓！焗猪扒饭嘅味道都唔错，但系饭嘅分量唔系好多，原本以为系面包中间全部系饭，点知得面包嘅三分一系饭，其他都系面包！完全食唔晒，因为面包太干啦😢 建议可以切一半个面包就可以❀虾多士有五旧虾多士！超好味！多士边系脆架！虾嘅分量都好多，而且好有鲜味！必试🤩❀蜂蜜炸鱿鱼须呢个超级一般，鱿鱼仲要好硬🙃唔推荐