Munch (已結業)

女朋友生日，终于试左想试好耐的munch！预早一星期Book定台，睇到openrice的评价都几高，令我非常期待！我地order左一个set dinner加散叫蟹饼、大虾蕃茄薯仔粉，原本想食白汁青口意大利饭，可惜当日冇供应。餐汤 (龙虾汤)味道香浓，足料，可惜餐包太硬蟹饼必食，我一向都好钟意食蟹，呢味菜简直令我一试难忘！份量绝对唔细，足够两个人吃，食得出蟹饼内有大量的新鲜蟹肉，食的时候，连同碟上的薄脆，再配上特制酱汁入口，真系好正，钟意食蟹必食！主菜南瓜猪扒做法有心思，以脆皮烟肉包著扒，再配上南瓜。可惜味道只是一般，不太特别。另外散叫的大虾蕃茄薯仔粉蕃茄味清新，一看以为非常开胃，可惜食左几粒薯仔粉已经觉得好滞，可取的是有为数不少的新鲜大虾。一早留左个心太软用来庆祝生日，唔算好亦唔算差。总括黎讲，除左蟹饼之外，其他食物只系一般，可能我期望太高！员工的服务态度系唔错的，但系环境比较嘈吵，可能因为背后坐了一张长台。同场都有唔少人庆祝生日/纪念日，其实间舖的地方都唔细，如果可以划分区域，相信效果会比较好。