民華餐廳

营业中

休息中

今日lunch去咗文华冰室食常餐，文华冰室嘅常餐其实都几出名，餐牌写住常餐其实都系得几个选择，番茄汤、沙嗲汤、清汤，配料可以拣牛肉、叉烧等等，然后又可以拣面底要米粉或者面或者通粉都得。拣完面之后，就要拣你食煎蛋定炒蛋，不过黎呢度食，九成嘅人都相信会拣炒蛋，只系在乎你想食肠仔、火腿定系午餐肉。之后就拣埋食多士定普通面包，都系一样大部份人都会拣食多士。我就拣咗食蕃茄叉烧面，朋友就食沙嗲牛肉面。蕃茄汤都几浓，而且叉烧肥瘦适中之后叫咗餐肉炒蛋配多士。餐饮叫咗冻朱古力，走饮管成功，抵赞！之后叫多咗份西多士食，原来呢度嘅细多士都好好食，真系做到外脆内软，而且多士非常之厚身，值得推介。朋友就话想试吓点心，就叫咗个烧卖同埋一个金钱肚share，估唔到茶餐厅都可以食到点心，而且质素唔错。