Pentola (裕民坊YM²) (已結業)

今晚因为工作关系系裕民坊附近，咁岩又肚饿，就试下呢个商场餐厅，行左一轮，我地就拣定呢间西餐。我地谂左一阵，决定叫2人餐，再加1甜品share。餐汤系甘笋忌廉汤味道好浓郁，饮落好香甜！前菜有2款，第1样系白鳀鱼茄子蓉多士。呢碟前菜有两份多士，首先多士系脆卜卜嘅酸种多士，上面白鳀鱼同酱，咬落口层次好丰富，有酸酸甜甜嘅酱令干身多士变得易入口，仲可以提升鱼嘅鲜味，系好开胃嘅前菜。第2样前菜系意大利风干火腿拼盘。分别有24个月巴马火腿、莎乐美肠、寇帕火腿、新鲜水果。主菜我地拣左1）新鲜波士顿龙虾意粉呢间餐厅主打手工意粉，非常欣赏佢嘅手工意粉韧度适中，加上意粉酱非常夹！而新鲜波士顿龙虾亦厚肉，好易起啲肉夹意粉一齐进食！另一主菜就拣左2）炭烧安格斯封门柳配烧汁薯条封门柳非常juicy、入味，最欣赏系粗薯条，份量亦好多！而旁边亦有沙律菜，可以做番一个平衡！甜品拣左我地两个都爱既提拉米苏好重咖啡甜酒，cream打得好幼滑，又唔会过甜，入口香浓！餐饮我地拣左-柠檬茶估唔到西餐厅用左偏重锡兰红茶做茶底，仲有成四五片柠檬，加埋非常好饮！整体黎讲，环境舒服，staff nice,值得下次再黎。