影片
更多
2018-03-28
4778 浏览
今日约左朋友行开湾仔铜锣湾，行到好饿又唔想食日韩菜，就谂住食中菜啦。近近地又想同班朋友坐耐啲倾耐啲，就揾左一间叫圃公馆。听名未必知系边度😅其实就喺伊馆对面酒店一楼。离地铁站有少少远，好彩我地咁啱行完times，行过去都唔算好耐。因为太饿，所以叫左个头盘食住先，食住慢慢叫其他𩠌💁🏻♀我地叫左个梅酒圣女果$68，睇个名唔知系咩黎嘅，睇相先知原来系车厘茄。酸酸甜甜超开胃！加左梅其实令到车厘茄超甜！呢味秘汁牛展$78炆到好淋又入味。佢个汁仲有少少甜，好味道！带子大大只，最啱我呢啲劲钟意食带子嘅人。带子好鲜甜，亦唔会overcooked令到带子变到一丝丝。酸辣汤$98系用火㷫住，一人一”窝”平时食酸辣汤冻左唔好味又会好滞，但依家用火㷫住就一直保持住热辣辣，饮饮下食其他𩠌都唔怕冻左！同埋佢将啲料切到细丝，令到个汤更易入口！至于辣味，我觉得适中，唔会太辣灼喉。走地鸡$198/半只，无谂过咁大锅！同枱有朋友好喜爱吃芫茜所以大爱呢味𩠌，因为佢嘅芫茜好出味！不过唔食嘅朋友就要留意番农圃糯米鸡翼$78，呢道𩠌系我今晚最爱糯米饭炒到好香，酿入鸡翼再炸，外皮非常脆，而佢唔系得鸡皮包住糯米，而系仲连住啲鸡肉，鸡
近近地又想同班朋友坐耐啲倾耐啲，就揾左一间叫圃公馆。听名未必知系边度😅其实就喺伊馆对面酒店一楼。离地铁站有少少远，好彩我地咁啱行完times，行过去都唔算好耐。
因为太饿，所以叫左个头盘食住先，食住慢慢叫其他𩠌💁🏻♀我地叫左个梅酒圣女果$68，睇个名唔知系咩黎嘅，睇相先知原来系车厘茄。酸酸甜甜超开胃！加左梅其实令到车厘茄超甜！
呢味秘汁牛展$78炆到好淋又入味。佢个汁仲有少少甜，好味道！
带子大大只，最啱我呢啲劲钟意食带子嘅人。带子好鲜甜，亦唔会overcooked令到带子变到一丝丝。
酸辣汤$98系用火㷫住，一人一”窝”平时食酸辣汤冻左唔好味又会好滞，但依家用火㷫住就一直保持住热辣辣，饮饮下食其他𩠌都唔怕冻左！同埋佢将啲料切到细丝，令到个汤更易入口！至于辣味，我觉得适中，唔会太辣灼喉。
走地鸡$198/半只，无谂过咁大锅！同枱有朋友好喜爱吃芫茜所以大爱呢味𩠌，因为佢嘅芫茜好出味！不过唔食嘅朋友就要留意番
农圃糯米鸡翼$78，呢道𩠌系我今晚最爱糯米饭炒到好香，酿入鸡翼再炸，外皮非常脆，而佢唔系得鸡皮包住糯米，而系仲连住啲鸡肉，鸡肉炸完仍然好滑！但食完呢味真系好饱。
食完糯米鸡翼再食水煮和牛肉，个水煮其实唔系太辣，大家都接受到呢种辣度。
今餐其实除左位置徧离地铁站远少少之外，其实食物质素同service都几好！最好就系枱同枱距离远，唔会逼之余，大伙儿倾偈都唔会嘈亲隔离嘛！
张贴
