夢樂園 (已結業)

星期二同朋友嚟咗尖沙咀呢间楼上猫Cafe梦乐园食午餐，因为知道朋友有养猫同埋好钟意猫，所以特登拣呢间餐厅。入到去睇睇餐牌，都几惊喜，竟然系食中台式料理。食物选择都几多，我同朋友就拣咗酸菜鱼面、口水鸡、红豆冰同埋冬瓜茶，仲叫咗黑白云耳同红油抄手。食物好快就送到上枱，卖相几靓仔，口水鸡仲有配一碗鲜鸡汤。特别值得一提嘅就系𠮶碗酸菜鱼，作为芫荽爱好者，佢上面𠮶度芫荽已经超级加分。再者佢个鱼系冇骨嘅，滑溜，汤底照顾得非常出色，酸辣味花椒味道平衡得好好。听老板娘讲个汤系咬咗四五个钟，叫我哋放心饮咗佢，确实饮得出唔系味精汤。六十零蚊喺尖沙咀猫Cafe食到咁嘅质素嘅酸菜鱼的确好惊喜！同埋呢度嘅猫都好痴人，钟意猫嘅朋友仔一定会要黎！