新嚐泰泰國餐廳

营业中

休息中

以前喺湾仔返工，好食嘅泰国嘢其实唔多，跟朋友嚟到呢间楼上舖，估唔到平日夜晚坐坐下都满座，食第一啖就明解。醉酒佬辣炒猪肉碎肥粉可以话系呢度嘅名物，有镬气得黎完全唔油腻，其实净系个肥粉已经足以令我嚟多次，非常透薄烟靭，调味好香口惹味，仲有好多豆角同杂菜，就算系怕肥嘅女仔都好啱口味。小食拼盘系少数令我觉得出色嘅拼盘，每样小食都独当一面值得单点。 鱼饼、虾饼、春卷同肉丸全部热辣辣新鲜炸起，重点系感觉到用料唔颓，简简单单嘅粉丝春卷都好好味。 第一次试肉丸生菜包，肉丸炸得好透好酥脆，甜辣酱以外仲有个蜜糖汁，感觉到厨师嘅诚意。大头虾冬荫公意想不到最有惊喜嘅系个虾，从来未食过大头虾系咁爆膏，有食紧奄仔蟹𠮶种感动，虾肉都好弹牙，三大只虾已经值回票价。 冬阴功好重椰浆味，够晒酸辣，但真系完全冇就香港人口味，食开九龙城lv真系必须叫少辣。