無肉食 (如心廣場二期) (已結業)

父亲节当晚我哋去咗无肉食荃湾店食饭，依家无肉食嘅晚餐系全自助餐嘅模式，所以入座前要先付款，跟住就可以揾位、攞野食。由于疫情，每次攞野食都要用新嘅碗碟，唔可以重用自己用过嘅碗碟。食完将碗碟收拾好、放系回收区即可。前菜: 苹果沙律、凉拌皮蛋、秋葵、红菜头、酸萝卜、莲藕、冷面、麻辣云耳、珊瑚草、肉松茄子、羽衣甘蓝、车厘茄、凉拌青瓜、哈蜜瓜哈蜜瓜食落有少少苦，唔知系咪因为唔新鲜。小食: pizza、野菌多士、寿司、炸春卷、炸茄子、炸蕃薯、炸芋头、炸灵芝菇、地瓜丸、煎堆、炸馒头、炸蛋散、萝卜糕、马蹄糕无肉食嘅炸物一直都好好食、好脆口，炸灵芝菇用辣椒炒过，所以食落辣辣哋，几好食。寿司入面卷住腐皮同青瓜，表面再加上千岛酱，不过感觉比较普通。小菜: 韩式炸鸡 (炸椰菜花)、蕃茄炒蛋、生菜包、炒菜心、腐乳通菜、椰汁香芋、榄菜炒淮山莴荀、榄菜肉碎炒四季豆、榄菜蒸翠玉瓜、金菇扒节瓜、冬菇炆萝卜、薯仔粒炒三色椒、蒸南瓜……必试韩式炸鸡，佢用咗椰菜花代替素肉扮炸鸡，口感好特别、冇咁腻。部分菜式比较咸，例如榄菜炒四季豆，所以食小菜时配埋白饭黎食会比较好。主食: 炒面、皮蛋粥、白饭皮蛋粥超好食，皮蛋煮到溶咗入粥入面