鰹烏冬 (香港逸東酒店)

营业中

休息中

晏昼要系佐敦揾食，先知逸东酒店楼下有food court! 一见到有好评既鲣乌冬，就去左试。结果都冇令我失望👍🏻热鲣鱼中汤乌冬 ($48)问左店员，原来中汤嘅意思系指特浓汤底。咁当然要试下。上到里，店员会俾啲天妇罗脆脆俾我地加入汤到食，可以吸晒啲汁。汤底酱油味系出既，不过少少抢左鲣鱼既味道🤌🏻 手打乌冬弹牙，正常发挥！跟餐加骨付鸡 ($37)真系唔可以唔加配骨付鸡🍗！帮成个乌冬加唔少分。原只鸡脾上，份量够！骨付鸡底下有爆蒜，好惹味！一啖鸡肉一啖蒜蓉，超级正！而且鸡皮烧得好脆，迫晒啲鸡油出嚟，零罪恶咁！调味都唔错，唔会好咸！真心食完一试难忘。