TeaWood Deluxe (已結業)

早两日同男朋友去左尖沙咀揾野食，经过果阵见到原来系茶木既Deluxe版，好奇而且又未谂到有咩特别想食，决定入去试下。一入去就俾佢个装修吸引住，成间餐厅系一只巨型既陀飞轮，而且连餐牌都经过特别设计，甚有格调。我地嗌左个威士忌干炒三杯鸡($118)：上菜果阵店员会点火翻炒，单骨鸡翼炒后更加入味，值得一赞。台式鳗鱼栥饭团（$168）：由于好耐都未食过栥饭，决定order一个试试，鳗鱼好好食，而粢饭入面有台式肉燥、虾米同花生，质感烟烟韧韧。蒜茸辣椒乌鱼子酱义大利面（$188）：乌鱼子系台湾名产之一，加埋香蒜、辣椒同意大利面一齐煮，比想像中出色好多。呢度嘅饮品杯杯都好抢眼，吉祥‪01:23（$75）：清甜解渴，虽然系cocktail但冇乜酒味浓烈，柠檬啫喱好清新，岩哂用黎解三杯鸡既辣。维也纳的春天（$65）：一杯彩虹色既mocktail，好靓！味道就有少少似细个食既彩虹雪条。