影片
更多
2023-12-07
1358 浏览
💁♀️💁♂️ 18/11/2023(Sat), Dinner🍽大角咀区一向都多小店，唔同种类嘅食肆都可以揾到，今晚为食妙妙同A先生就嚟 到食叻沙。餐厅位于大全街，舖头唔算好大间，我哋去到嘅时候都系岩岩晚市开始时段，所以都唔使等就可以直入，但迟过我哋少少嘅食客就开始要喺店外等位。而今晚我地order咗：🔆 招牌厚切猪扒叻沙（$75）上枱时厚切猪扒同叻沙系分开上嘅，好处系香脆嘅猪扒唔使被汤浸住而影响到口感，而汤亦唔会搞到好多油。猪扒厚得嚟又唔会煎到干争争，食落外脆而肉里面仍嫩滑有肉汁，果然系餐厅嘅招牌菜。叻沙汤底呈浓厚嘅金黄色，入口浓稠带点微辣，香料味同椰奶味都足够，系个唔错嘅叻沙汤底。配料有鱼蛋、豆卜、溏心蛋🥚同芽菜，都几丰富。面方面就系渗渗，即系油面加米粉混合一齐，食落口感丰富。🔆 海鲜大烩叻沙（帆立贝、青口、鲜虾）（$78）叻沙汤底都系一样，海鲜方面有帆立贝、青口、鲜虾，质素都唔差。青口都大只嫩滑，帆立贝唔韧，虾🦐肉弹牙仲系已经剥壳，食得够方便。🔆 三色奶茶（跟餐+$10） 奶茶控A先生就拣咗三色奶茶，比一般奶茶主要系多咗层椰糖喺底，未拌匀之前就睇到有三只唔同色。入口顺滑味道唔会太
💁♀️💁♂️ 18/11/2023(Sat), Dinner🍽
大角咀区一向都多小店，唔同种类嘅食肆都可以揾到，今晚为食妙妙同A先生就嚟 到食叻沙。
餐厅位于大全街，舖头唔算好大间，我哋去到嘅时候都系岩岩晚市开始时段，所以都唔使等就可以直入，但迟过我哋少少嘅食客就开始要喺店外等位。
而今晚我地order咗：
🔆 招牌厚切猪扒叻沙（$75）
上枱时厚切猪扒同叻沙系分开上嘅，好处系香脆嘅猪扒唔使被汤浸住而影响到口感，而汤亦唔会搞到好多油。猪扒厚得嚟又唔会煎到干争争，食落外脆而肉里面仍嫩滑有肉汁，果然系餐厅嘅招牌菜。
叻沙汤底呈浓厚嘅金黄色，入口浓稠带点微辣，香料味同椰奶味都足够，系个唔错嘅叻沙汤底。配料有鱼蛋、豆卜、溏心蛋🥚同芽菜，都几丰富。面方面就系渗渗，即系油面加米粉混合一齐，食落口感丰富。
🔆 海鲜大烩叻沙（帆立贝、青口、鲜虾）（$78）
叻沙汤底都系一样，海鲜方面有帆立贝、青口、鲜虾，质素都唔差。青口都大只嫩滑，帆立贝唔韧，虾🦐肉弹牙仲系已经剥壳，食得够方便。
🔆 三色奶茶（跟餐+$10）
奶茶控A先生就拣咗三色奶茶，比一般奶茶主要系多咗层椰糖喺底，未拌匀之前就睇到有三只唔同色。入口顺滑味道唔会太甜，拌匀之后隐隐饮到椰糖嘅味道，可以一试。
🔆 鸳鸯桔仔话梅水（跟餐+$12）
饮落好开胃解渴嘅一杯饮品，入面有几粒桔仔同话梅，饮落有啲酸酸哋嘅话梅味道，又有清新嘅桔仔味道，又唔会太甜，适合食完呢餐香料味同比较浓味嘅食物去饮。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：8/🔟
❤🙆♀️(为食妙妙)整体食评：8.5/🔟
👉🏻 叻沙味道香浓微辣，下次要再试埋佢哋嘅肉骨茶同咖央多士
A先生车友指数 🚗
🛣️ 交通容易指数：🚗🚗🚗(3/5)
🅿️ 泊车容易指数：🚗🚗🚗🚗(4/5)
👉🏻 餐厅门口有几个表位🅿️，数量唔多，泊唔泊到就睇你运气。停车场🅿️就可以考虑附近新九龙广场🅿️或者港湾豪庭🅿️
👉🏻 大角咀区巴士线就比较少啲，而餐厅亦同港铁站有啲距离
🔆🔆🔆🔆🔆🔆🔆🔆🔆🔆🔆🔆🔆
张贴
