影片
更多
2019-04-27
2037 浏览
喺首尔读书嘅时候 ，认识的越南朋友成日话佢好挂住越南啲美食 。其中佢最钟意食嘅系 Bahn Xeo （越式薄脆饼）.... 果阵佢成日俾啲相我睇 话真系好想食 。但奈何首尔净系得啲韩化左嘅pho食... 离开左首尔， 自己返到香港都会挂念还在韩国读书嘅呢位好朋友同记得佢成日讲想食bahn xeo 。咁就喺上网睇下香港边度有得食啦 。点知揾黎揾去 唔知系咪pho 太普遍 ... 揾左好耐先得呢间喺上环中半山区嘅越式小店 ，揾到有卖呢种越式薄脆饼嘅小店。呢间小店舖面唔大、座位唔多 ，大约坐得到十零廿个人左右 。开放式厨房嘅设计可以望到越南藉嘅女厨师烹调食物 ，总算系用尽晒店内嘅空间。入到去坐底后睇睇餐牌 ，揾到我想试好耐嘅越式薄脆饼就落单 。另外同行嘅外藉男友又话自己喺悉尼食过bun cha 好食好想食番 — 咁岩呢度又有！ — 咁就叫左呢两样 ，再加一杯冻越式练奶咖啡解渴。冻咖啡先到！ 好浓郁但又唔会太甜。冰凉透心！ 要知道越南咖啡多数系Robusta 而且经过dark roast 咖啡本身就系好苦 所以越式滴漏咖啡一般加劲多！ 系劲！多！ 练奶！去中和咖啡嘅苦味。 呢杯咖啡嘅甜味洽到好
呢间小店舖面唔大、座位唔多 ，大约坐得到十零廿个人左右 。开放式厨房嘅设计可以望到越南藉嘅女厨师烹调食物 ，总算系用尽晒店内嘅空间。
入到去坐底后睇睇餐牌 ，揾到我想试好耐嘅越式薄脆饼就落单 。另外同行嘅外藉男友又话自己喺悉尼食过bun cha 好食好想食番 — 咁岩呢度又有！ — 咁就叫左呢两样 ，再加一杯冻越式练奶咖啡解渴。
冻咖啡先到！ 好浓郁但又唔会太甜。冰凉透心！ 要知道越南咖啡多数系Robusta 而且经过dark roast 咖啡本身就系好苦 所以越式滴漏咖啡一般加劲多！ 系劲！多！ 练奶！去中和咖啡嘅苦味。 呢杯咖啡嘅甜味洽到好处，浓厚奶香又有咖啡嘅回甘。
登登！ 男友嘅bun cha hanoi先到 。Bun Cha Hanoi (河内式捞米粉 ) 一上台男友已经话同喺悉尼嘅越南餐馆食过睇落嘅好似... 河内捞米系分汤上 碗入面有烤过嘅猪肉同一啲青木瓜、甘笋、蒜头等配料。汤汁微温带酸甜味，系用黎沾米粉食嘅 。香港炎热嘅天气，最啱食清新解腻嘅食物。呢个捞米很合我口味；）
等左一阵之后 我点嘅薄脆饼上菜喇！ 呜哇！ 煎得好薄好靓啊！我等唔切要即刻摵少少黎试 ，饼皮薄得黎又有蛋味 仲要新鲜热辣辣！ 个饼夹左啲馅： 芽菜、虾、猪猪 及洋葱。虽然有馅夹住 ，但个薄脆皮依然香脆。
我将薄脆饼同馅料加上一齐送上黎嘅芫茜 及罗勒叶 用生菜包著 沾左啲鱼露酱汁黎食 。 噢！ 一啲都唔油腻 ，仲越食越想食！ 好快就成个饼食晒噜～
店内有分男女洗手间，虽然好窄但好干净，又有洗手枧及抹手纸。
埋单210蚊 ，还好。唔算系太贵 因为成个香港可能净系得佢有做bahn xeo.... 情有可原 哈哈
服务黎讲 我要求唔高 有眼神交流有对答就pass 。
后记： 行出餐厅之后我send 左呢餐食物想俾越南朋友 佢竟然问我系咪去左河内哈哈 下次会再光顾～
Bye~
张贴
