新香園 (已結業)

知道新香园既蛋牛治好出名，但系一直都无机会去试下。有一晚十一点几活动完左，几个人终于去左深水埗新香园。铺位有几大一眼睇晒，入面空间其实都有少少窄，唔算容纳到好多人。接近凌晨既时间，个到仲系有好多客人，不过好彩都系等左几分钟就有位。我地六七个逼左系最入面既一张圆台到，虽然食野要就住，不过可以接受！入面既环境系正宗港式茶餐厅咁样，好有怀旧既感觉。我地每个人都嗌左呢到既招牌蛋牛治，朋友既系烘底，食个阵仲出紧烟既，多士好香好脆。我无嗌烘底，但系一样咁吸引，尤其系入面既蛋好软，而且仲系未完全熟既，咬落去个阵会有少量既蛋浆，但系又唔会多到滴出黎。牛肉唔硬，同蛋既比例都好适中，个个都大赞真系好好味！除左蛋牛治，我仲同朋友share左一件西多士，加左炼奶，就咁睇卖相已经觉得好吸引。我个人就比较钟意食脆脆地既四条边位，口感好好。炼奶几甜，但系唔会觉得腻，同人分既份量刚刚好。可惜个日唔记得左试奶茶，不过见到唔少其他客人都有嗌，应该几受欢迎，下次有机会一定要试！