順。越南牛肉粉

营业中

休息中

中環街市嘅food court乾淨企理... 我都幫襯過唔少次!呢間主打越南菜式嘅食店... 我最欣賞佢嘅〈順•生牛肉牛肉丸湯河〉... 生牛肉嚟到真係生牛肉嘅感覺👍... 出面食過好多間所謂嘅生牛肉嚟到已經係變咗熟牛肉... 而呢度嘅生牛肉上枱時肉色仲係粉嫩、唔係轉曬熟透嘅顏色!  而牛肉丸又好彈牙... 食落好滋味!  湯底清新... 仲有爽甜白蘿蔔!另外一款推介嘅係〈蕃茄蟹膏蟹肉蝦丸扎肉湯檬〉... 鍾意蕃茄湯底嘅必試! 成個湯底同配料非常夾... 酸酸甜甜好開胃! 蟹膏蟹肉固然係重點之一... 蝦丸一d都唔輸蝕... 好有咬口!😋小食方面... 推介〈越式炸春卷〉! 即叫即炸... 非常香口!  而清甜爽脆嘅蓮藕粒加埋蝦膠整出嚟嘅〈蓮藕蝦餅〉外脆內軟!整體上食物質素唔錯... 出餐時間快... 店員有禮... 讚!👍