順。越南牛肉粉

营业中

休息中

中环街市嘅food court干净企理... 我都帮衬过唔少次!呢间主打越南菜式嘅食店... 我最欣赏佢嘅〈顺•生牛肉牛肉丸汤河〉... 生牛肉嚟到真系生牛肉嘅感觉👍... 出面食过好多间所谓嘅生牛肉嚟到已经系变咗熟牛肉... 而呢度嘅生牛肉上枱时肉色仲系粉嫩、唔系转晒熟透嘅颜色!  而牛肉丸又好弹牙... 食落好滋味!  汤底清新... 仲有爽甜白萝卜!另外一款推介嘅系〈蕃茄蟹膏蟹肉虾丸扎肉汤檬〉... 钟意蕃茄汤底嘅必试! 成个汤底同配料非常夹... 酸酸甜甜好开胃! 蟹膏蟹肉固然系重点之一... 虾丸一d都唔输蚀... 好有咬口!😋小食方面... 推介〈越式炸春卷〉! 即叫即炸... 非常香口!  而清甜爽脆嘅莲藕粒加埋虾胶整出嚟嘅〈莲藕虾饼〉外脆内软!整体上食物质素唔错... 出餐时间快... 店员有礼... 赞!👍