皇茶冰室 (已結業)

今日探个住荃湾的朋友，探完介绍去路德围揾食，行到去真系好多选择，想平平地食小菜，拣了一间茶餐厅格局皇茶冰室，见到餐牌好多选择，叫了黄金虾、原条豉汁蒸仓鱼同埋蒜蓉炒芥兰。每个餐都跟一碗老火例汤，今晚系煲冬瓜汤，够清润，再上埋黄金虾同白饭一碗及基本餐茶都系$75咋。黄金虾，外层每只虾都被邪恶的蛋黄包住，虾肉弹牙新鲜，虾壳炸得酥脆香口，蛋黄成碟都系，至岩𩠌饭。豉汁蒸仓鱼$78，睇相已好想食，上枱更觉得超底食劲大条，蒸得火喉刚好，肉质给实鲜甜。炒碟清菜叫了蒜蓉炒芥兰$48，芥兰爽脆。最后可加$12有杯特饮，分别叫了奶茶红豆冰同龙凤柠乐，红豆好大粒㖞。