鮨一心 (已結業)

又系老飨我出动嘅时候，今次去食豪dd，叹翻个饿妈卡些omakase，即系厨师发板。元朗有好多好食店，而今次呢间可谓不同凡响，净系个前菜已经尽显厨师嘅心机。有𩽾𩾌鱼肝，千切大根同酱油渍八爪鱼大根干系先晒干，口感与别不同呢个刺身并盘一级棒，特别一提嘅系个天使海老，呢个虾鲜味过牡丹虾好多，但香港人好多都觉得牡丹虾先系皇道，真系有眼不识虾。牛油白子超juicy ，由牛油提出鲜味，表面焦黄，完全无火枪味，入口即融。蚕豆海胆天妇罗，软软地韧韧地，口感独特。唔少得嘅系寿司，足8件，店家话唔够仲可以加！我最喜欢就系三文鱼子加海胆，贪心嘅我完全被满足！最后上一个南瓜冻汤，比普通热蚬肉面豉汤有heart得多。食得厨师发版其实系食厨师嘅用心创作，由食物以至于用具都十分讲究，系一个食嘅盛宴，加上遇到用心嘅店家，唔试对唔住自己。