平成 (已結業)

平时行开尖沙咀但好少入棉登径，原来呢头咁多居酒屋，见到有间岩岩开门决定入去食晚饭 入面装修同之前去日本旅行见过既居酒屋真系好相似，好似返左日本咁，非常怀念~第一时间要左份小食垫住肚仔先，芥辣八爪鱼，八爪鱼爽口弹牙，食落去仲有日本芥辣独有既鲜味，好食！紫薯沙律，配上顶部的三文鱼子阿妹最爱既芝士蛋饼，非常脆口，芝士味浓，底部仲有焦香我爱馒鱼饭的程度应该去到menu有就会叫黎试下既地步，食过全香港咁多间馒鱼饭平成都冇得输，馒鱼厚切，肉质肥美，口感十足，而且冇咩碎骨，简简单单已经令人好满足不过成餐饭最有惊喜一定系呢个三文鱼籽冷面，冷面比平时食开更弹牙有口感，而且面条充满麻香味，加上葱花、紫菜碎同三文鱼籽唔会太单调而阿妹平时一向中意乌冬，今次要左温泉蛋炒三文鱼稻庭乌冬比佢，可能因为三文鱼太足料，佢话略嫌有少少咸，不过乌冬本身软硬度适中有咬口食完大家仲有胃，加多左一个大板烧，大厨火喉掌握得好好，粉浆亦唔会太多，而且每一啖都食到牛肉同椰菜味， 非常足料我地仲要左4杯唔同味既乳酸梳打，酸酸甜甜，消滞一流；其中最出色一定系百香果味，仲食到百香果子 tim