喜泰味

营业中

休息中

喜爱食泰国菜的同事常常上网揾好嘢食，今日佢发现长沙湾丽阁商场有间喜泰味， 网上评价都唔错，于是就叫我放工一齐过嚟试吓！餐厅以「货柜」造型，主打泰国菜。入座后先送上小食，泰式虾片卜卜脆，好香口。见到餐牌有二人套餐都好抵食，我哋就order 咗一份。马拉盏炒通菜，上枱已香气四溢，炒得有镬气，通菜吸收了马拉盏的味道，爽口又惹味！泰式海南鸡半只，，鸡已经去骨，鸡肉滑嫩，点些酱汁，啖啖肉辣辣地，好味！套餐配两碗白饭，不过本人比较喜欢海南鸡配鸡油饭比惹味！奉送饮品两杯，冻咖啡冻华田香浓解渴。套餐有优惠，加$38有四串串烧，我哋拣咗鸡肉和猪肉各两串，食物即叫即烧，炭烧味香浓，自制沙嗲酱汁超好味，除咗味道浓郁外，还有小小的花生粒增加口感，串烧啖啖肉十分满足！最后有椰青大菜糕做甜品，清甜美味。