天竜 (已結業)

喺荃湾行完街，见到呢间几有日本feel嘅日本餐厅，佢地有串烧，丼饭，炸物，寿司，款式都几多，价钱唔算贵，就入去试吓。中华冷面呢个冷面夏天食啱晒，入口涷冰冰，上面仲有劲多配料，有青瓜，蛋丝，火腿丝，蕃茄，d冷面汁酸酸地劲开胃，冷面质地烟烟韧韧，好好味。三文鱼丼饭晚餐都几抵食，有沙律同面豉汤，三文鱼份量都几多，仲要系厚切，好肥美，仲有大量蟹子，非常满足。盐烧牛舌牛舌系厚切，质地劲爽口，烧到啱啱好，完全冇over到，加咗少少盐烧已经好正。阿波（德岛）酢橘鸡皮串烧到d油脂冇晒，所以完全唔油腻，食落仲脆卜卜，好正。盐鸡中翼个鸡皮烧到脆卜卜，而咬落去仲好juicy,劲正豚三品分别有猪心，猪脷同猪腩肉，猪心同猪脷都好爽口，而猪腩肉唔算太肥，烧到好香口章鱼烧外脆内软，入面嘅章鱼粒都几大粒，非常足料。唐扬鱿鱼须炸到劲香，d炸粉唔算厚，个味道好好味，劲香口。