五月星牛肉麵

营业中

休息中

星期四洗完牙之后，夜晚约左朋友一齐食饭，去左食台湾菜，我地叫到成枱都系野食。招牌红烧牛肉面汤底浓郁，欣赏佢啲牛肉大旧兼且够腍，面质唔错，又大大碗，赞。蜂巢牛肚拌面牛肚有好多旧而且好厚身，拌面拣左古早味，即系捞卤肉黎食，面质口感滑溜，好惹味。刈包呢个有惊喜，个包本身好软熟，夹住猪腩肉、酸菜、青瓜、花生碎一齐食，整体好夹，必食。依家like同share佢地个社交平台就可以以$10食到综合三宝: 素鸡卷、香芋丸、地瓜条。超级抵食，最开心系有我钟意食既香芋丸。蒜泥白肉肉质软腍，酱汁几好食。麻辣鸭血鸭血唔腥，几好咬，辣辣地甘。甜不辣即炸热辣辣，美味可口。白灼时蔬叫左碟菜食，健康啲嘛。试管盐酥鸡有好多种口味既调味粉俾你自己落，任君选择，食落香脆可口。饮品叫左珍珠奶茶同抹香绿茶(少甜)。后尾追加一杯百香果红茶(少甜)。