天勝

营业中

休息中

今晚同女朋友去食好嘢，就梗系港女最爱嘅日本菜喇。仲以为位于铜锣湾嘅天胜系超级贵，但原来价钱又 ok 㖞。厚烧玉子 ($40)即叫即烧嘅玉子上枱时热辣辣，好厚身够晒口感。甜蛋都几甜，蛋味浓郁，嚟到一定要嗌。牛肉豆腐锅 ($98)呢个锅都好丰富，有牛肉、豆腐、大葱、冬菇、金菇同蔬菜。啲牛肉真心好入味，一啲都唔韧。可惜无饭𩠌好似差咁啲咁。蟹肉滑蛋汤饭 ($130)唯有嗌个饭嘅顶下肚。呢个卖相就无咁吸引喇，但我就好钟意食泡饭嘅，湿湿地好易入口。有蟹肉、滑蛋、菇捞汤饭，好味又饱肚。