八月花 (皇室堡)

营业中

休息中

今日同闺蜜去到位于铜锣湾皇室堡的”八月花”饮茶，环境非常开扬阔落，坐得舒适，仲有大海景。叹咗多款创意粤式点心，精致又高质，系我嘅私心口袋清单，先打卡📸后进食🥢！鹅肝蟹子脆春卷金黄嘅春卷外脆内软，加埋旁边嘅芥末酱，轻松解腻，好食到停唔到。一口鲍鱼挞卖相精致，鲍鱼本身非常入味，挞皮松脆，一啖一口，双重滋味。脆皮麻辣烧卖烧卖创意食法！未食已经闻到浓浓麻辣香气，但食落唔会好辛辣，底部会有大量绿色炸脆，睇得出摆盘花过心思。鲍汁炆凤爪酱汁比较浓稠，非常入味，凤爪有咬口，不会煮得太烂。黑松露冬菇包黑松露味道唔会太抢，同时又食到浓浓嘅冬菇香，两者配合得刚刚好。酥脆鲜虾肠粉热辣辣嘅粉皮包住脆虾，我食到最后一件，都keep到脆度，有惊艳到我! 柚子煎堆菠萝芭菲煎堆配搭少量柚子，可以解除油腻感，再配埋冰冻带酸菠萝芭菲，作为今餐嘅甜品简直系完美。花果奇缘打卡No.1! 好似一个大果园，包含十款水果配上茉莉花茶，炎夏必点，消暑解渴。