百味鮮辣蟹專門店 (已結業)

当港铁去到坚尼地城，西环石塘咀再唔系咁远啦！港铁除咗心连系生活每一程，佢仲将我同A姐嘅美食地图再扩大。今次，我哋去到西环百味鲜辣蟹专门店，食海鲜。好彩有订位，如果唔系都唔知要等几耐！青芥牛立方牛立方？水立方啲Friend呀？其实系牛柳粒，呢个名都贴切！牛立方牛味浓郁，一啲都唔韧，配埋爽口嘅青瓜同攻鼻嘅青芥茉，好开胃，正！干煎桂鱼骨腩店员极力推介我哋叫呢个菜，全因成碟都系桂花鱼最滑嘅骨腩位，要两三条桂花鱼先做到呢味菜。成条鱼型碟上枱，加埋鱼头图案嘅秘制酱汁，好吸引。桂花鱼骨腩煎到金黄色，好香口呀! 不过如果钟意啖啖肉嘅朋友，呢个未必啱你啦！咖喱虾煲原本谂住叫蟹㗎，点知卖晒…… 为咗满足食海鲜嘅愿望，就叫𠮶咖喱虾煲。咖喱汁好香浓，海虾新鲜弹牙，都算几大只，有成十一二只。蒜蓉菜心为咗健康，叫碟菜先。蒜蓉菜心，简简单单，清甜爽脆。渔村风味炒米唔想食白饭，叫个炒米粉。有带子同虾，非常足料，不过味道较淡，捞埋咖喱虾煲嘅咖喱汁，就Perfect！