影片
更多
2017-11-08
354 浏览
尖沙咀山林道一向多美食，今次去到门面好开阳嘅尖沙咀，《同人锅》火锅店试吓佢嘅鸡煲火锅。餐厅面积占全层，只需要上一层楼梯就到。餐厅装修以简约为主，我哋四个人就被安排坐四人枱位置，窗边更可以望出去睇到闹市嘅风景。餐厅推出的优惠同出面嘅餐厅与众不同，就系「冇限时任食任饮」，海鲜都仲可以任食，价钱都只系$288/位。首先就品尝佢嘅鸡煲，除此之外，仲有其他滋补养颜嘅汤底选择。远处已经闻到好惹味嘅「鸡煲」味道，配料非常丰富，包括有洋葱、辣椒同埋香葱等等，鸡件嘅份量比较多，而且更食到两三只鸡髀同鸡翼，而肉质非常滑嫩，而且好入味，由于太好食，我哋再encore左一份鸡煲，都只系加$48一份。「海鲜拼盘」卖相非常吸引，当中包括有鲍鱼、龙虾、蛏子同埋蚬等等，原只龙虾切开两件，有我手板咁大，食落去爽口鲜甜，仲有蟹膏食添。火锅配料都多款选择，当中我哋点了牛肉、羊肉、韭菜饺、鱼皮饺、粟米、蘑菇、午餐肉同埋冬瓜等等，非常丰富。当中不得不提就系「韭菜饺」皮薄馅靓，胀卜卜份量好足料，冬瓜渗哂火锅入面嘅海鲜味道，食落去口感软林林，好好味。除此之外，饮品更多款选择，以自助形式供应。最欣赏系冇限时任饮任食，食完休息一阵倾计
尖沙咀山林道一向多美食，今次去到门面好开阳嘅尖沙咀，《同人锅》火锅店试吓佢嘅鸡煲火锅。
餐厅面积占全层，只需要上一层楼梯就到。餐厅装修以简约为主，我哋四个人就被安排坐四人枱位置，窗边更可以望出去睇到闹市嘅风景。
餐厅推出的优惠同出面嘅餐厅与众不同，就系「冇限时任食任饮」，海鲜都仲可以任食，价钱都只系$288/位。首先就品尝佢嘅鸡煲，除此之外，仲有其他滋补养颜嘅汤底选择。
远处已经闻到好惹味嘅「鸡煲」味道，配料非常丰富，包括有洋葱、辣椒同埋香葱等等，鸡件嘅份量比较多，而且更食到两三只鸡髀同鸡翼，而肉质非常滑嫩，而且好入味，由于太好食，我哋再encore左一份鸡煲，都只系加$48一份。
「海鲜拼盘」卖相非常吸引，当中包括有鲍鱼、龙虾、蛏子同埋蚬等等，原只龙虾切开两件，有我手板咁大，食落去爽口鲜甜，仲有蟹膏食添。
火锅配料都多款选择，当中我哋点了牛肉、羊肉、韭菜饺、鱼皮饺、粟米、蘑菇、午餐肉同埋冬瓜等等，非常丰富。当中不得不提就系「韭菜饺」皮薄馅靓，胀卜卜份量好足料，冬瓜渗哂火锅入面嘅海鲜味道，食落去口感软林林，好好味。
除此之外，饮品更多款选择，以自助形式供应。
最欣赏系冇限时任饮任食，食完休息一阵倾计，之后再食过都得，而且海鲜即日到，所以非常新鲜，鸡煲味道新鲜滋味，真系好满足，难怪全场几乎爆满。
张贴
