好彩海鮮酒家

营业中

休息中

今日下午我们去咗九龙城广场嘅「好彩海鲜酒家」饮下午茶！我们叫咗特级虾饺皇、碧绿带子饺、蜜汁叉烧包、酱皇蒸凤爪、罗汉蒸粉果、爽滑牛肉肠粉同菠萝叉烧酥盏！特级虾饺皇嘅虾相当大只同爽滑弹牙，鲜味十足！碧绿带子饺嘅饺皮非常晶莹剔透，口感好烟韧弹牙，味道好惹味！蜜汁叉烧包嘅包质相当香滑松软，叉烧嘅味道十分香甜！酱皇蒸凤爪炆得好腍好入味！罗汉蒸粉果真系皮薄馅靓，馅料非常丰富！爽滑牛肉肠粉嘅肠粉好嫩滑，牛肉嘅肉味好香浓！菠萝叉烧酥盏嘅卖相非常精致吸引，外层嘅菠萝酥皮相当香脆，味道亦好香甜同埋入面真系有一小粒菠萝同叉烧，令人想一食再食，所以我再叫多一碟嚟食，系本人嘅必食推介！