金蘭花泰國餐廳 (已結業)

因为M佬怕辣，所以我哋一向好少食泰国菜，耐到好似有成年无食过。今日返工嘅时候，同事猛话呢间位于铜锣湾嘅金兰花泰国餐厅唔错，搞到我心郁郁今晚即刻试试。餐厅占地全层，空间感十足，而且位处电车路旁边，够晒方便。泰式小食拼盘拼盘有齐虾饼、鱼饼、泰式春卷，而我哋最钟意就系个拼盘嘅鸡翼，拆咗肉，一大啖咬落去，好爽。钟意食煎炸食物嘅一定要试。清迈咖哩鸡面面头系炸到脆卜卜嘅炸面饼，咖哩汤入面仲有索晒汁嘅粗面，捞埋一齐食，半腍半脆，双重口感！而且咖喱汁又香又滑，鸡件好嫩滑，好好味。香叶辣椒肉碎炒饭辣椒炒肉碎一向都系夹生菜，原来将佢嚟炒饭都好好味！肉碎更可拣猪、牛、鸡，镬气十足，够晒辣，好过瘾。泰式炒通菜食泰国菜又点可以无通菜呢？通菜新鲜青翠，火喉啱啱好，味道咸香。饭后再饮个冰凉椰青，清凉解渴。