古早味休閒台灣 (已結業)

呢间台式餐厅之前系铜锣湾都食过，又抵又好食，而且无论正餐、小食、甜品定饮品都超级无敌多种类，感觉就好似将成个台湾夜市搬左过黎咁，原来旺角都有间！行完街之后又可以去食饭，口痕又可以去食小食，食完饭都仲可以去食甜品！正！今日唔算太肚饿，但就行街行到攰，想揾个地方同friend 吹下水，食下小食，念都唔驶念就上左黎～小食方面本人每次都会叫盐酥豆腐！外皮惹味，入面既豆腐滑到入口即溶！大推！然后我地每人点左个台湾刈包，其实未食过，见到menu既图系一个馒头包住块五花腩，几特别所以叫黎试下，个包size 唔大但食完都饱饱地，话晒都有肉有淀粉，馒头加五花腩食落都几夹，好似食紧汉堡咁，不过系唔热气既中式汉堡～口痕既我地仲叫左个卤水拼盘，一上枱就吓亲！超大份，而且有6款 (鸡蛋、鸡翼、大肠、猪耳、猪肚、腩肉）款款都量好多！而且超入味，食得出食材好新鲜干净，一d膻味都无！劲推！话就话唔肚饿，但最后食到捧住个肚走XD 十分满足！