REFLECT Restaurant & Bar

今次算系我第一次正式食墨西哥菜，餐厅位于旺角，主打手工墨西哥料理，味道都几有惊喜！餐厅环境几舒适，门口有镜面反射logo，又有户外露天天台位置，有幅好大嘅壁画，几有特色！几推荐未食过墨西哥菜嘅朋友仔试吓👍🏻🔸墨西哥夹饼派对（三件） $208推荐🌟夹饼好好食！必叫之选！一份有三件，拣咗tacos party一次过试晒三款口味～有牛肉、鸡肉同磨菇，觉得最好食系牛肉味，牛肉软谂，调味过几入味又juicy~ 加埋牛油果酱、莎莎酱同酸忌廉，口感丰富又唔会腻！玉米饼好香脆，整体好好味！🔸串烧拼盘 （六串） $78好抵食！有猪肉同鸡肉味，两只味都肉质软熟唔干，几惹味又唔会好肥腻！🔸秘制烧墨鱼 $128都几大串！墨鱼几鲜味，啱啱熟嘅程度，好厚实有咬口！但有啲位要少少牙力咀嚼😂🔸烧烤鸡肉手工披萨 $128都系抵食之选！一份有8件，薄脆饼底好香脆～ 鸡肉份量多，烧烤酱几香浓！抵食又好食！🔸拉丝芝士松露薯条 $78份量都几多！唔单止面头有黑松露，连中间位都有，好足料～ 芝士都唔少，因为焗过唔会太香脆，但薯味唔错，仲可以点酱食！但食得多会有点腻，多人share会更好！