冒喜 (和富)

营业中

休息中

等紧小朋友放学，喺商场嘅food court揾嘢食，见到呢间可以食辣嘢， 同埋啲汤底都几特别，所以决定试一试。叫咗一碗蕃茄椰汤底，配粟米面。首先第一啖试吓汤底，除咗蕃茄味之外，真系有淡淡嘅椰子味，粟米面亦都好得意比较林身，小朋友食啱啱好。我拣咗六款𩠌，除咗小朋友钟意食嘅芝士肠冇乜特别，其他都令我有惊喜尤其是墨鱼丸，非常弹牙而且好香，鱼腐晒啲汤特别好食。另外一碗叫咗酸菜汤底，麻而不辣好惹味。牛丸好有口感，但我觉得呢个汤底食食吓有啲微辣，但系好开胃，配埋鸭血我觉得好好食，而且份量好多，因为见到套餐可以加嘢饮同埋小食另外叫咗个麻辣土豆丝，仲有近年好流行我哨肉脆，土豆丝虽然系一样好普通嘅食物，不过好难整得好食，呢度整得好爽脆，而且辣到啱啱好，下次再嚟可以试埋其他汤底。