影片
更多
2023-12-10
2877 浏览
约人观塘开餐，试左成业街呢间楼上餐厅，per head $100 左右有齐沙律餐饮餐汤涷饮仲唔加钱几唔错，另可优惠价加甜品劲大份二至三人share 都得，所以真系可以一试. 午餐时间劲旺埸原来要book位，毕竟座位不算多，环境几企理.餐具茶水落单俾钱全自助几有效率，俾埋钱上菜. 所有野都好快. 啱晒分秒必争但又唔想颓食嘅打工仔. 我哋一个钟有找食晒3 course 了. 餐茶叫左涷柠茶同涷苹果茶，好解渴. 餐汤叫左蕃茄甘笋汤，蕃茄味非常出啖啖茄茸. 田园沙律有几件牛油果好加分. #日本飞驒牛汉堡滑蛋盖铁板拌饭见差不多每枱都点估计系必叫之选，跟！上菜热辣辣喳喳声，滑蛋滑溜飞驒牛汉堡肉地够厚大大件肉味够，伴碟粟米蕃茄仔甜甜增添味蕾丰富感. 饭底叫左少饭唔怕浪费食物. 见另外仲有不少款式的铁板饭都几吸引（吉烈海老/剪三文鱼扒/烧猪手等等），嚟多几次都唔会闷. #法式慢煮猪仔脾配有机红米饭慢煮烹调肉汁更入味猪仔脾够晒腍骨肉一切便分离，酱汁酸酸地几开胃. 红米够健康. #雪糕窝夫加$30，叫上，保证新鲜. 窝夫香脆热腾腾配上冰涷甜甜雪糕忌廉焦糖酱朱古力酱等好美味. 份量偏大，一个人真系几难食得晒
约人观塘开餐，试左成业街呢间楼上餐厅，per head $100 左右有齐沙律餐饮餐汤涷饮仲唔加钱几唔错，另可优惠价加甜品劲大份二至三人share 都得，所以真系可以一试. 午餐时间劲旺埸原来要book位，毕竟座位不算多，环境几企理.
餐具茶水落单俾钱全自助几有效率，俾埋钱上菜. 所有野都好快. 啱晒分秒必争但又唔想颓食嘅打工仔. 我哋一个钟有找食晒3 course 了.
餐茶叫左涷柠茶同涷苹果茶，好解渴. 餐汤叫左蕃茄甘笋汤，蕃茄味非常出啖啖茄茸. 田园沙律有几件牛油果好加分.
#日本飞驒牛汉堡滑蛋盖铁板拌饭
见差不多每枱都点估计系必叫之选，跟！上菜热辣辣喳喳声，滑蛋滑溜飞驒牛汉堡肉地够厚大大件肉味够，伴碟粟米蕃茄仔甜甜增添味蕾丰富感. 饭底叫左少饭唔怕浪费食物. 见另外仲有不少款式的铁板饭都几吸引（吉烈海老/剪三文鱼扒/烧猪手等等），嚟多几次都唔会闷.
#法式慢煮猪仔脾配有机红米饭
慢煮烹调肉汁更入味猪仔脾够晒腍骨肉一切便分离，酱汁酸酸地几开胃. 红米够健康.
#雪糕窝夫
加$30，叫上，保证新鲜. 窝夫香脆热腾腾配上冰涷甜甜雪糕忌廉焦糖酱朱古力酱等好美味. 份量偏大，一个人真系几难食得晒，一齐share 大满足.
张贴
